不知是否和嫲嫲去多咗街，在家又多咗婆婆同妹妹，近幾個月皓朗說話的能力高了不少，開始講句子。
食飯時會說：「飯飯好味道！」
婆婆有一天報告他自己講「拔蘿蔔」故事，爹哋媽咪都聽過，雖然只係講咗部分，「伯伯（種）蘿蔔（喺）呢度，（生得）好大，（伯伯）拔唔到，拔唔到，猫猫幫手，狗狗幫手，加油加油，拔到，好嘢！」但都開始有故事的初形。
星期天早上婆婆離開，告訴他要去那裡，爹哋剛巧也不在家，下午爹哋回來問婆婆在那裡，他便報告：「婆婆（返）屋企，煮飯（比）公公（食）。」
皓朗的另一強項是砌砌圖，他好有心機架，之前比他砌6 – 10磈的，好幾幅唔同的混在一起都可以自己分開砌好，仲砌得好快。媽咪見狀再買盒有28磈，以26個英文字母同圖案砌成一列火車的puzzle比佢，媽咪同婆婆都教過佢砌，諗住佢無咁快會學識，怎料不出兩天他已經懂得砌了，連爹哋都服咗佢。
皓朗玩砌圖的時候好認真咖，現在皓朗已經可以自己完成60塊的砌圖了！
